कविता शिकताना भेळ केली चट्टा मट्टा

 

वर्गात भेळ कविता शिकताना इयत्ता दुसरीच्या विद्यार्थ्यांनी आपल्या वर्गशिक्षिका श्रीमती प्रिया अशोकराव काळे यांनी तयार केलेली भेळ चट्टामट्टा केली!

जिल्हा परिषद प्राथमिक शाळा कासारवाडी केंद्र मिरवट तालुका परळी वैजनाथ जिल्हा बीड येथील उपक्रमशील शिक्षिका श्रीमती प्रिया काळे या नेहमीच आपल्या विद्यार्थ्यांना शिकवत असताना नवेनवे प्रयोग करत असतात. 

इयत्ता दुसरीच्या मराठी पुस्तकात ११ वी कविता मंदाकिनी गोडसे यांनी लिहिलेली आहे. ही कविता शिकवताना आपल्या शाळेतील विद्यार्थ्यांना प्रत्यक्ष भेळ तयार होताना दाखवून भेळचा आस्वाद घेता यावा म्हणून त्यांनी प्रत्यक्ष वर्गात सर्व साहित्य आणून भेळ तयार केली. भेळ तयार होत असताना विद्यार्थ्यांनी आपली कविता चालीवर म्हणणे चालू ठेवले होते. 

वर्गशिक्षिका श्रीमती काळे प्रिया यांच्यासह मुख्याध्यापक श्री दादाराव राठोड शाळेतील शिक्षक श्री चंद्रशेखर फुटके, श्रीमती शुभांगी चट आणि कुमारी पूजा गुट्टे यांनी आग्रहाने विद्यार्थ्यांना ही भेळ खाऊ घातली. विद्यार्थ्यांनी श्लोक म्हणल्यानंतर या भेळचा आस्वाद घेतला.