...... आणि छोट्या हातून घडल्या विविध कलाकृती!

सवयीप्रमाणे आता दुसऱ्या शनिवारी आणि चौथ्या शनिवारी मुले हातात दप्तर न घेता शाळेत येतात... आजच्या शनिवारी मुलांच्या हातात बॅग होती मात्र त्यात रंगीत कागद, कात्री फेविकॉल, पेन्सिल, ब्रश असे साहित्य होते.... एका विचारांची आणि एकमेकांच्या विचाराला मान देणारी आणि मदत करणारी विविध वर्गाची मुले पाचच्या संख्येत एकत्र आली होती आणि आजच्या स्पर्धेला सामोरे जात होती, आजची स्पर्धा होती पेपर क्राफ्ट! विविध रंगीत कागदांच्या माध्यमातून विविध कलाकृती तयार करायच्या होत्या.... छोट्या हाती आज कात्री, फेविकॉल, रंगीत पेन्सिल, ब्रश असे साहित्य अगदी कौशल्याने चालत होते.... अगदी तल्लीन होऊन मुले कल्पकतेने वस्तू तयार करत होती... दीड तासाचा दिलेला वेळ कधी संपला हे मुलांच्या लक्षातही आले नाही.... आपली कलाकृती तयार होत असताना इतरांच्या कलाकृतीकडेही त्यांचे लक्ष होते आणि अगदी मोठ्या मनानं आपल्यापेक्षा त्याची कलाकृती चांगली झाल्याची मुले मान्यही करत होती..... चौथ्या आणि दुसऱ्या शनिवारी प्रत्येक शिक्षक कल्पकतेने वेगवेगळ्या साहित्यांचा वापर करून मुलांना वेगळा आनंद देत अध्यापन करण्याचा प्रयत्न आता जिल्हा परिषद प्राथमिक शाळा कासारवाडी केंद्र मिरवट तालुका परळी जिल्हा बीड येथील शिक्षक करत आहेत.... आजचा शनिवार असाच सत्कारणी लागल्याचा आनंद शिक्षकांच्या चेहऱ्यावर आणि आपल्याला आज वेगळे काहीतरी करण्याचा, शिकण्यास मिळाल्याचा आनंद मुलांच्या चेहऱ्यावर झळकत होता!

https://youtu.be/nOU8YlJ1NZs