चित्रकला शिक्षक नसतानाही चित्रकला परीक्षेला बसले कासारवाडी शाळेचे विद्यार्थी!

चित्रकला शिक्षक नसतानाही चित्रकला परीक्षेला बसले कासारवाडी शाळेचे विद्यार्थी!
जिल्हा परिषद शाळांना चित्रकला, संगीत या विषयांचे शिक्षक नसतात; परंतु असे असतानाही चित्रकलेच्या इयत्ता आठवी वर्गासाठी असलेल्या एलिमेंट्री परीक्षेस जिल्हा परिषद प्राथमिक शाळा कासारवाडीचे विद्यार्थी बसले आहेत ते येथील उपक्रमशील शिक्षिका श्रीमती प्रिया अशोकराव काळे यांच्या पुढाकारामुळे! काळे मॅडम यांनी या विद्यार्थ्यांसाठी घेतलेल्या विशेष मेहनतीचे पालकांमधून कौतुक होत आहे.

श्रीमती प्रिया अशोकराव काळे यांनी इयत्ता आठवी वर्गात शिकणाऱ्या विद्यार्थ्यांना चित्रकलेचे विशेष क्लास घेणे सुरू केले असून लवकरच होणाऱ्या एलिमेंट्री परीक्षेसाठी शाळेतील विद्यार्थी बसलेले आहेत आणि त्याची तयारी करत आहेत. श्रीमती काळे मॅडम त्यासाठी वेगळा वेळ देऊन विद्यार्थ्यांना ज्ञानदानाचे कार्य करत आहेत.

परळी वैजनाथ येथील वैद्यनाथ विद्यालयात ही परीक्षा होणार असून या परीक्षा विभागाचे प्रमुख श्री चव्हाण सर यांनी शाळेतल्या विद्यार्थ्यांसाठी वेळ काढून भेट दिली आणि त्यांना शनिवारी मार्गदर्शन केले. त्यांच्या या विशेष भेटीबद्दल मुख्याध्यापक श्री राठोड सर यांनी आणि श्रीमती प्रिया काळे यांनी त्यांचे स्वागत केले.