श्री अंगद घुले सर यांचे मन:पूवर्वक आभार!

उदार अंतकरणाने शाळेच्या विविध उपक्रमासाठी नगदी रूपये 2000 मदत केल्याबद्दल श्री अंगद घुले सर यांचे मन:पूवर्वक आभार. श्री घुले सर यांच्यामुळे झेंडा कवायत, रुमाल कवायत व ढोलची दुरुस्ती झाली.

"हळदी-कुंकू" समारंभ 2014

जिल्हा परिषद प्राथमिक शाळा टोकवाडी येथे आज सावित्रीबाई फुले जन्मोत्सवाचे अव्चित्य साधून लेक शिकवा अभियान अंतर्गत "हळदी-कुंकू" समारंभ घेण्यात आला...सावित्रीबाई फुले यांच्यावर आधारित "साक्षात आई होती..." हे गीत श्रीमती जोशी रेखा यांनी गाउन तसेच सावित्रीबाईंच्या प्रतिमेचे पूजन करून सुरूवात केली.
मुलींना का शिकवावे, त्यांचे शिकवणे का थांबवु नये अशी छान भाषणे 6 वी, 7 वी वर्गातील मुली करत होत्या..आपल्या मुली किती छान बोलतात हे "आई" लक्ष्य देऊन एकत होत्या.
श्रीमती वाघमारे ज्योती यांनी मुलींचे शिक्षण कसे महत्वाचे हे पटवून दिले.
"मुलीचे लग्न 18 वर्षाच्या आधी करणार नाही, त्यांना मुलापेक्षा कमी समजणार नाही" अशी शपथ उपस्थित महिलांना श्रीमती महाजन यांनी दिली.
श्रीमती महाजन, श्रीमती कराड, श्रीमती जाधव, श्रीमती घाडगे यांनी सर्व महिलांचे स्वागत केले.
वक्तृत्व स्पर्धेतील मुलींना पाहुणे व मुख्याध्यपाक श्री निलेवाड अशोक यांच्या हस्ते बक्षीस दिले गेले.
दारात छान रांगोळी, मुलींची छान भाषणे सर्व मॅडम यांनी केलेले उद्बोधन पाहून गावातील महिला आनंदी दिसत होत्या.

श्री अनंत सोपान निकते सर यांचा निरोप समारंभ...

श्री अनंत सोपान निकते सर यांनी इतिहास, भूगोल हे विषय शिकवले पण त्याच बरोबर शालेय मंत्री मंडळ फार छान सांभाळले..भाषण कशी करावीत हे त्यांनी फार मस्त शिकवले..त्यांच्या कार्यकाळात अनेक बक्षीस शाळेला मिळाली..विशेष म्हणजे परळी येथील तालुकास्तरावरचे रुपये 3000 चे बक्षीस.. आपले काम वेळेवर करणे आणि प्रत्येक काम निष्ठेने पूर्ण करणे हा त्यांचा स्वभाव. उपक्रमाचे रेकॉर्ड कसे ठेवावे हेही त्यांच्याकडून शिकण्यासारखे आहे. पुस्तके वाचणे आणि वाचावीत असा आग्रह सहकारी शिक्षक व विध्यर्थि यांना ते करतात.
या कार्यक्रमाचे सूत्रसंचालन शाळेची मुख्यमंत्री कुमारी पल्लवी काळे हिने केले. स्वागत गीत श्रीमती घाडगे यांनी गायले. श्री काळे, श्री फुटके यांनी मनोगत व्यक्त केले. आभार श्रीमती रेखा जोशी यांनी मानले.
सरांनी शाळेला खूप दिले आहे..जाताना घड्याळ देऊन वेळ कशी म्हत्वचि हे सांगितले..

प्रजासत्ताक दिन जवळ येत आहे...तयारी सुरू आहे...5 ते 7 वी मूले लेझीम, मुली टिपरी, 4 थी मुले-मुली डमब्लेस, 3 री झेंडा कवायत, 2 री फक्त मोकळे हात,  1 ली ला काय घ्यावे असा विचार केला आणि श्रीमती चाटे मॅडम यांनी रुमाल सुचवला..तरीही किमान 20 रुपये प्रत्येकी खर्च आला असता...वीटभट्टी कामगार मुले जास्त आहेत काय करावे असे विचार सुरू असताना श्रीमती महाजन मॅडम यांनी जुनी साडी वापरता येते हे सुचवले...घरी हा प्रस्ताव सांगितला आणि माझी पत्नी सुजाता ने आनंदाने एक छान साडी दिली.

नव्या वर्षाचा नवा संकल्प...डायरी लेखन

नवे वर्ष सुरू झाल्यानंतर काहीतरी नवीन करावे म्हणून मुलांना 'डायरी लेखन' (English).चा प्रस्ताव सांगितला.
45 मुलांनी प्रतिसाद दिला...त्यांना past tense ची थोडी माहिती दिली...त्यातील काही निवडक...यातील चुका फक्त सांगत आहे..डायरीवर खाडाखोड नको आणि सही पण नको असे मी म्हणतो..आपले मत काय?

परिपाठची पूर्वतयारी

तालुकास्तरीय सायन्स प्रदर्शनात आमच्या शाळेचा प्रथम क्रमांक...

चला दिवाळी ग्रीटिंग कार्ड बनवू या...

    विद्यार्थ्यांच्या हातांना विविध आकार तयार करता येऊ लागले, त्यांच्या मनात कल्पकता घर करू लागली की शिक्षक मित्र आनंदी होतात ... शिक्षकांच्या चेहऱ्यावरचा आनंद मग मुलांच्या चेहऱ्यावर उमटू लागतो...  

प्रथम सत्र परीक्षा झाली...दिवाळी सुट्टी लांबली..आता काय करावे?

चला दिवाळी ग्रीटिंग कार्ड बनवू या...

शाळेत मुलांनी बनवलेले कार्ड..

जिल्हा परिषद प्राथमिक शाळा टोकवाडी... 2013

नवीन पुस्तकांचे प्रदर्शन

पुस्तके वाचायला देणे, भाषणे करण्याची संधी देणे, यासरख्या व जेथे असे सुंदर विचार, वातावरण मुलांना मिळते तेथे डॉक्टर आंबेडकर 2रे, टिळक 2रे, न्यूटन 2रे निश्चित तयार होतील, असे उद्गार प्रा. राजकुमार यल्लावाड यांनी काढले.
जिल्हा परिषद प्राथमिक शाळा, टोकवाडी संचलीत बाल वाचनालयाच्या वतीने नवीन पुस्तकांचे 3 रे पुस्तक प्रदर्शन आज येथे आयोजित करण्यात आले होते. या प्रसंगी प्रा. यल्लावाड उद्घाटक म्हणून बोलत होते. अध्यक्ष म्हणून मुख्याध्यापक श्री निलेवाड तर अतिथी म्हणून श्री दिलीप तलवारे यांची उपस्थिती होती.
शासनाने दिलेल्या 10 हजार रुपयांच्या नवीन पुस्तकांचे प्रदर्शन शालेय मंत्रिमंडळाने आयोजित केले होते.
मराठवाडा साहित्य परिषद परळी शाखेचे सचिव प्रा. राजकुमार यल्लावाड यांच्या हस्ते याचे उद्घाटन झाले. माता सावित्रीच्या प्रतिमेचे पूजन झाल्यानंतर फीत कापून पाहुणे प्रा. यल्लावाड यांनी उद्घाटन केले. सावित्री स्तवनचे श्रीमती जोशी रेखा यांनी गायन केले.
नव्या पुस्तंकाभोवती फुले, रांगोळी त्यांची सुंदर मांडणी हे आकर्षण होते. शाळेच्या बालवाचनालयाचे हे 3 रे पुस्तक प्रदर्शन. हे वाचनालय़ मुलेच चालवतात.
शालेय मंत्री मंडळची मुख्यमंत्री कुमारी पल्लवी काळे हिने सूत्रसंचालन केले.
सर्वाधिक पुस्तके वाचन केलेल्या 4 मुलांना पुस्तके भेट दिली गेली.
श्री प्रा. यल्लावड यांचे विचार मुलांना प्रेरणा देणारे होते.
आयोजन, संचालन, आभार, व्यवस्था करणारे शालेय मंत्रीमंडळाचे सदस्य होते.
शिक्षक सर्वश्री बाळासाहेब काळे, अनंत निकते, सोनेराव राठोड, पी. आर. राठोड, चंद्रशेखर फूटके, शिक्षिका श्रीमती महाजन, कराड, घाडगे, जाधव, चाटे यांनी मुलांना मार्गदर्शन केले.

जिल्हा परिषद बीड आदर्श शिक्षक पुरस्कार

परळी तालुक्यातील नूतन परळी केंद्रात असलेल्या जिल्हा परिषद प्राथमिक शाळा टोकवाडी कार्यरत  असलेले श्री चंद्रशेखर शिवलिंगप्पा फुटके यांना जिल्हा परिषद बीड ने या वर्षी आदर्श शिक्षक पुरस्कार नामदार जयदत्त क्षीरसागर यांच्या उपस्थित प्रदान करण्यात आला. पत्नी सुजाता सह श्री फुटके