जिल्हा परिषद प्राथमिक शाळा कासारवाडी येथील शाळेत इयत्ता पहिली वर्गासाठी प्रवेश पात्र असलेल्या विद्यार्थ्यांचा पहिला शाळा पूर्वतयारी मेळावा आज संपन्न झाला.
प्रवेश पात्र असलेल्या विद्यार्थ्यांच्या पालकांना दोन दिवस अगोदरच अंगणवाडीताईंच्या मदतीने निरोप देण्यात आलेला होता. सकाळी 9 ते 12 या वेळेत वेगवेगळ्या सात टेबलवर विद्यार्थ्यांना घेऊन पालकांनी उन्हाळ्याच्या सुट्टीमध्ये घ्यावयाच्या तयारीची माहिती घेतली. नाव नोंदणी, शारीरिक विकास, बौद्धिक विकास, भाषा विकास, सामाजिक व भावनात्मक विकास, गणन पूर्व विकास व समुपदेशन या अंतर्गत विद्यार्थ्यांचे वेगवेगळे खेळ घेऊन त्यांच्या क्षमता तपासण्यात आल्या.
या प्रत्येक टेबलची रचना आकर्षक करण्यात येऊन विद्यार्थ्यांच्या क्षमता तपासण्यासाठी खेळही मुलांना आवडतील अशा पद्धतीने घेण्यात आले. सेल्फी पॉईंटही तयार करण्यात आला होता. आलेल्या प्रत्येक विद्यार्थ्याला कागदी टोपी घालून आणि फुगे देऊन स्वागत करण्यात आले.
या मेळाव्याची तयारी शाळेचे मुख्याध्यापक श्री दादाराव राठोड यांच्या मार्गदर्शनाखाली सर्वश्री चंद्रशेखर फुटके, सरोजकुमार तरुडे, राजेश्वर स्वामी, दत्तात्रय मुंडे, श्रीमती प्रिया काळे, श्रीमती शुभांगी चट यांनी केली होती. अंगणवाडीताई राही मॅडम आणि कविता मॅडम यांचे मोठे सहकार्य लाभले.
उपस्थित पालकांनी या मेळाव्यातील उपक्रमाचे कौतुक केले.
आपल्या ज्ञानाचा उपयोग आपले दैनंदिन जीवन सुखकर, सुलभ करण्यासाठी केला तर ते ज्ञान अधिक फलदायी ठरेल.... आपल्या, कुटुंबातील सदस्यांच्या समस्या सोडवण्यासाठी आपण मिळवलेल्या ज्ञानाचा विद्यार्थ्यांनी उपयोग करायलाच हवा, आपल्या कुटुंबातील सर्वांचाच फायदा आपल्या ज्ञानामुळे होत असेल तर त्या ज्ञानाला आणि विद्यार्थ्यांना अधिक किंमत मिळेल...
परळी पासून दहा किलोमीटर अंतरावर असणाऱ्या धर्मापुरी रोडवर, मिरवट पाटीवर असणाऱ्या श्री केदारेश्वर रसवंती गृहात मी दररोज ऊसाचा रस घेत असतो. येथील ऊस अगदीच स्वच्छ दिसतो; तो स्वच्छ करण्याची मेहनत किती करत असतील याचा विचार मी करायचो.
आज थोडे अजब दृश्य डोळ्यासमोर दिसले. एका लोखंडी पाईपाच्या आतून या ऊसाला मागेपुढे केले जात होते आणि तो ऊस अगदी स्वच्छ होत होता! कुतूहल म्हणून मी जवळ जाऊन पाहिले. हे यंत्र काही कुठल्या कंपनीत तयार झालेले दिसत नव्हते, वीस पंचवीसच्या जवळपास वय असणाऱ्या त्या तरुणाला मग मी काही प्रश्न केले. त्याने आयटीआयचे शिक्षण पूर्ण केलेले आहे. ऊस स्वच्छ करण्यासाठी करावी लागण्याची मेहनत सोपी करण्यासाठी त्याने लोखंडी पाईपाचा उपयोग करून व्हिडिओ मध्ये दाखवलेले हे साधे यंत्र स्वतः तयार केले आहे.
धनंजय त्रिंबक भदाडे असे या कल्पक बुद्धीमत्ता असणाऱ्या तरुणाचे नाव आहे.
कमी मेहनतीत अगदी स्वच्छ असा ऊस रसासाठी तयार होतो. त्याच्याशी पाच मिनिट गप्पा करून मी त्याचे कौतुक केले. तुझ्या शिक्षणाचा उपयोग तुझ्या कुटुंबातल्या सर्व सदस्यांसाठी महत्वाचा ठरत आहे, हे खूप छान आहे, असे दोन कौतुकाचे शब्द मी त्याच्याशी बोलले.
कुटुंबातली पुरुष मंडळी या रसवंतीत मेहनत घेताना दिसतात.
आपल्या कुटुंबातील सर्व सदस्यांच्या मेहनतीची काळजी घेणे म्हणजे एक प्रकारे कुटुंबावरची माया, प्रेम दाखवणे असाही त्याचा अर्थ होतो. त्याने केलेले काम छोटे आहे पण कुटुंबाशी त्याची नाते अधिक महत्त्वाचे आहे.
*चंद्रशेखर फुटके, परळी वैजनाथ जिल्हा बीड* 93250 63512
मॅडम किंवा सरांच्या प्रश्नांची उत्तरे देऊन कंटाळा आला? मग तुम्ही बनवा प्रश्न! सोपे आहे का? प्रश्नच नाही!
शिक्षक तुम्हाला नेहमी प्रश्न विचारतात आणि तुम्ही उत्तरे देता; आज मी तुम्हाला उत्तर देणार आहे आणि तुम्ही अधोरेखित भाग उत्तर येईल असा प्रश्न तयार करायचा आहे. आहे ना मजेशीर? चला तर शिकू या नवे काही!
Every time teacher asks you question and you give answer. This time I am giving you answers, and you have to make the question! Isn't it interesting? Let's start! Underlined part should come as answer to your question.
'Wh' words are -What, where, who, which, how, how many, how much.
महाराष्ट्र टॅलेंट सर्च अर्थात MTS परीक्षेत जिल्हा परिषद प्राथमिक शाळा कासारवाडी येथील विद्यार्थ्यांचे यश
स्कॉलरशिप परीक्षेची तयारी म्हणून घेतल्या जाणाऱ्या महाराष्ट्र टॅलेंट सर्च परीक्षेमध्ये जिल्हा परिषद प्राथमिक शाळा कासारवाडी केंद्र मिरवट तालुका परळी वैजनाथ जिल्हा बीड येथील इयत्ता सातवीच्या सहा विद्यार्थिनींनी यश प्राप्त केले आहे.
नुकत्याच झालेल्या परीक्षेमध्ये इयत्ता सातवी वर्गात शिकत असलेल्या सहा विद्यार्थिनींनी आपली नाव नोंदणी केली होती. वर्षभरात या विद्यार्थिनींनी केलेल्या मेहनतीमुळे सर्वच्या सर्व मुली परीक्षेत उत्तीर्ण झाल्या आहेत.
शनिवारी शाळेच्या वतीने या विद्यार्थिनींना आकर्षक प्रमाणपत्र, मेडल आणि भेटवस्तू देऊन शाळेच्या वतीने सन्मानित करण्यात आले.
"तुम्ही केलेल्या मेहनतीचे निश्चितच कौतुक आहे आणि इतर सर्व वर्गातल्या विद्यार्थिनींसाठी तुम्ही मार्ग दाखवला आहे", असे मुख्याध्यापक श्री दादाराव राठोड यांनी त्यांना सन्मानित करताना म्हटले.
मार्गदर्शिका श्रीमती प्रिया काळे मॅडम यांनीही विद्यार्थिनींचे विशेष कौतुक केले. कुमारी वैष्णवी विठ्ठल गुट्टे, कोमल कृष्णा गुट्टे, चैतन्या सुनील गुट्टे, यशश्री तुळशीराम गुट्टे, अक्षरा संदीप गुट्टे आणि अक्षरा सचिन गुट्टे या विद्यार्थिनींचा यात समावेश आहे.
शाळेतील शिक्षक श्री चंद्रशेखर फुटके, श्री सरोजकुमार तरुडे, श्री राजेश्वर स्वामी, श्री दत्तात्रय मुंडे, श्रीमती शुभांगी चट तसेच गावचे सरपंच श्री बंडू गुट्टे, शालेय समितीचे अध्यक्ष श्री सखाराम गुट्टे यांच्यासह सर्व पदाधिकारी तसेच ग्रामपंचायतचे सर्व सदस्य, मिरवट केंद्राच्या केंद्रप्रमुख श्रीमती मिश्रा मॅडम, केंद्रीय मुख्याध्यापक श्री घुगे साहेब, परळी पंचायत समितीचे गटशिक्षणाधिकारी श्री कनाके साहेब यांनी विद्यार्थिनींचे कौतुक केले आहे.
इतिहासातील संकल्पना स्पष्टरित्या समजण्यासाठी, किल्ल्याची संरचना कळण्यासाठी आणि बुद्धी व हातांची सुंदरता प्रत्यक्षात साकारण्यासाठी जिल्हा परिषद प्राथमिक शाळा कासारवाडी या ठिकाणी पेपर क्राफ्ट अंतर्गत किल्ले बनवण्याची स्पर्धा संपन्न झाली होती; त्याचे बक्षीस वितरण करण्यात आले.
इयत्ता पहिली ते आठवी या वर्गातील कोणतेही पाच विद्यार्थी गटामध्ये या स्पर्धेत सहभागी होऊ शकत होते. समविचारी मित्र-मैत्रिणी एकत्र आले आणि सुंदर किल्ल्यांची निर्मिती झाली होती.
हे किल्ले बनवल्यानंतर शिक्षकांसमोर त्याचे सादरीकरण करावयाचे होते. हे असेच का बनवले? हे अमुकरीत्या बनवण्याचा उद्देश काय? शत्रू आले तर सैनिक कुठून येणार? हे नेमके कशाचे तयार केलेस? अशा प्रश्नांची छान उत्तरे गटामधून मिळत होती आणि मुले किल्ल्यांचे महत्त्वही समजून घेत होती. इतिहास शिकवण्याचा हा सुंदर मार्ग नव्हे का?
"माझ्या जवळचा काळा रंग संपला तेव्हा मी कोळसा कुटून तो रंग तयार केला; आणि जेव्हा पांढरा रंग संपला तेव्हा घरात असलेल्या चुन्याचा वापर केला" जेव्हा पाचवी मधील पूनम हे सांगत होती तेव्हा लक्षात आले की मुलांना जेव्हा आयुष्यात अडचणी येतील तेव्हा नक्कीच त्यावर मार्ग शोधण्याचे संस्कार अशा छोट्या स्पर्धा मधून होतात. सध्या हे छोटे कप सुद्धा त्यांना आनंद देत आहेत भविष्यात त्यांना वेगवेगळ्या स्पर्धेत यश मिळो आणि कितीतरी सुंदर कप मिळत राहोत अशा शुभेच्छा!
A, an the हे तीन articles नेहमी Nouns च्या अगोदर काही नियमानुसार वापरले जातात.
1) उच्चारानुसार consonants अर्थात व्यंजन अक्षराने सुरू होणाऱ्या noun च्या अगोदर a article वापरतात. a cat, a bat, a lion. (u या स्वराचा उच्चार हा अ असेल तिथे an व इतर ठिकाणी a वापरतात. उदा. an umbrella आणि a unity, a university)
2) उच्चारानुसार vowel अर्थात स्वर अक्षराने सुरू होणाऱ्या noun च्या अगोदर an हे article वापरतात. (a, e, i, o, u हे इंग्रजी भाषेतील पाच स्वर आहेत) व्यंजन सुरुवातीला असूनही काही शब्दांचे उच्चार स्वराने (नंतर असलेला) होतात म्हणून त्यांनाही an वापरतात. उदा. an honest.
3) जगात एकमेव असणारे noun, तसेच वाक्यात यापूर्वी ज्या noun चा उल्लेख झाला आहे आणि परत एकदा ते noun आले आहे अशा वेळी The या article चा वापर करतात.
पोस्ट्स
.png)
